मनोज गजुरेल भन्छन् अब कानुनीरुपमा न्यायका लागि अघि बढ्दैछु-

0

कलाकार मनोज गजुरेलले आफ्नो तीनवर्ष अघि नेपालको कानुनअनुसार डिभोर्स गरेर सम्बन्ध सकिएको कुरा पनि बारम्बार उठाइएको भन्दै अब कानुनी रुपमा न्यायका लागि अगाडि बढ्न खुट्टा उचालेको बताएका छन्। सामाजिक सञ्जाल फेसबुकमा एक स्टाटस लेख्दै उनले विगतमा भएका कुरा, युट्युबर तथा अनलाइन सञ्चारमाध्यममा आएका टिकाटिप्पणीले आफूलाई निकै दुःखी तुल्याएको बताएका छन्।

झन्डै तीन वर्षअघि नेपालको कानुनअनुसार डिभोर्स गरेर सम्बन्ध सकिएको कुरा यहाँहरुलाई सर्वविदितै छ। तर कानुनीरुपमा नै आ आफ्नो बाटो लागिसकेपछि पनि अर्को पक्षबाट विभिन्न माध्यमबाट बारम्बार गाली बेइज्जती गर्ने क्रम रोकिएन। एउटा सार्वजनिक र जिम्मेबार नागरिकको नाताले अहिलेसम्म मौन रहेँ। दुई सन्तानको जिम्मा लिएर बसेको अभिभावकको नाताले चुपचाप सहेँ। तर यो गाली बेइज्जती, अनावश्यक तनावको शृङ्खलाले बढ्दै गएर मेरो परिवारसम्म असर पर्न थाल्यो। त्यसैले बाध्य भएर केही प्रष्टीकरण गर्न तयार भएको छ।

यस्तो छ उनको फेसबुक स्टाटस सप्रिय साथी, शुभचिन्तक तथा दाजुभाइ दिदी बहिनीहरु सामाजिक सन्जालमा मेरो बारेमा आएका अन्टसन्ट टीकाटिप्पणीलाई लिएर मेरो पोष्ट, ईनबक्स, फोनमा तपाईंहरुले पठाउनु भएका कृया प्रतिकृयाप्रती मेरो गम्भीर ध्यानाकर्षण भएको छ। झन्डै तीन बर्षअघि नेपालको कानुन अनुसार डिभोर्स गरेर सम्बन्ध सकिएको कुरा यहाँहरुलाई विदितै छ।

तर, कानुनी रुपमै आ आफ्ना बाटो लागि सकेपछी पनि अर्को पक्षबाट विभिन्न माध्यामबाट बारम्बार गाली बेईज्जती गर्ने क्रम रोकिएन। एउटा सार्वजानिक र जिम्मेवार नागरिकको नाताले अहिलेसम्म मौन रहेँ। दुई सन्तानको जिम्मा लिएर बसेको अभिवाभकको नाताले चुपचाप सहेँ। तर, यो गाली बेईज्जती, अनावस्यक तनावको श्रृँखलाले बढ्दै गएर मेरो परिवारसम्म असर पर्न थाल्यो। त्यसैले बाध्य भएर केही प्रष्टिकरण गर्न भएको छु।

सकिएको सम्बन्धको आधारहिन आरोप र प्रत्यारोपले मेरा छोराछोरीलाई धेरै ठुलो असर गर्न थालेको महसुस हुँदैछ। मेरो चरित्रमाथी खेलवाड भएको ठान्दैछु। अब मैले अदालतमा बुझाउन आबश्यक नठानेको मेरो डिभोर्सको कारण र प्रमाणलाई अब सार्वजानिक गर्न बाध्य भएको ठान्दैछु। सहनुको सिमा कटेपछी कानुनी उपचारको बाटो अपनाउनुको विकल्प नरहेको टुंगोमा पुगेकोछु।

अंश सहित आफुसँग बस्न लगेकी छोरी डिभोर्सको ८ महिनामै आमासँग बस्न नरुचाएर घर फिर्ता आएकी छिन् जुन मैले पहिलो पटक सार्वजानिक गर्दैछु। अर्को पक्षले भनेझैं हामी बिच कुनै लेनदेन बाँकी छैन छोरीको नाममा लगेको अंश बाहेक। तर, सामाजिक सन्जालमा अर्को पक्षबाट बारम्बार ममाथी हुने अनावस्यक टीका टिप्पणी, युटुबमा उनिहरुका फोटोको दुरुपयोगले मेरा सन्तान पढाइ र जीवन आघात परिरहेको छ।

युट्युबर तथा अनलाईनका साथीहरु, तपाईंहरुलाई पनि यही स्टाटसबाट अनुरोध गर्दछु। मेरो नाम, फोटो र प्रसङ्ग जोडेर कसैसँग अन्तर्वार्ताु लिँदै गर्दा आफ्ना सन्तानलाई सम्झनोस्, पत्रकारिताको नियमलाई याद गर्नोस्। अनि, देशको कानुनलाई मनन गर्नोस् भन्ने अनुरोध गर्दछु जसले भोलि कानुनी अप्ठेरो नपरोस्। यो पोष्ट तथा कदम मेरा सन्तान, साथीभाइ तथा शुभचिन्तकको धेरै पटकको आग्रह पछि लेख्दैछु। अब कानुनी रुपमा न्यायका लागि अगाडि बढ्न खुट्टा उचाल्दैछु। चासो र चिन्ताका लागि धन्यबाद।

only mobile top

Leave A Reply

Your email address will not be published.